अस्ट्रेलियाको सुमुद्री पिँधमा नेपालको झण्डा
मे २९ बुधवार सिड्नीको दक्षिणमा रहेको मेन्लीमा भेला भएका १० जना युवाहरुले प्रसान्त महासागरको तास्कानिय सी मा स्कुपा डाइभ गरेर २३ मिटर गहिराइमा नेपालको झण्डा फहराएको संचारकर्मी भिमसेन सापकोटाले बताए । यसअघि स्कुपा डाइभमा जाने सबै नेपाली युवाहरुलाई न्यु साउथ वेल्सका महाबाणिज्यदुत दिपक खड्काले नेपालको झण्डा हस्तान्तरण गरेर विदाई गरेका थिए ।
उक्त कार्यक्रममा खड्काले सगरमाथा र सागर बीचको सम्बन्धलाई अझ प्रष्ट पार्दै नेपाललाई अस्ट्रेलियामा चिनाउन यो अभियान सफल होस् भनेर सुभकामना दिएका थिए । खड्काले नेपाल प्रवर्द्धन गर्ने कार्यक्रमहरुलाई महाबाणिज्यदूतको कार्यालयले सधै सहयोग गर्ने प्रतिवद्धता जनाएका थिए । झण्डा हस्तान्तरण कार्यक्रममा बोल्दै एनआरएन अस्ट्रेलियाका सल्ल्ााहकार रामजी विष्टले नेपालबारे प्रचारप्रसार गर्ने कार्यक्रमहरुमा नेपाली समुदायको साथ र सहकार्य बढाउँदै लैजान सल्लाह दिएका थिए ।
स्कुपा डाइभिङ कार्यक्रममा नेप्लिज वेलफियर सोसाईटीका अध्यक्ष संजिव शर्मा, अस्टे्रलियाको नेपालीपत्रका सम्पादक ऋषि आचार्य, संचारकर्मी भिमसेन सापकोटा, बैज्ञानिकहरु राजन क्षेत्री र विमल के सी, लेखक तथा साहित्यकार निस्प्रभ सजी, फुड राइटर सुरज प्रधान, चिनारी नेपालका अध्यक्ष गंगा निमकुल एमएनटिभीका प्रविधिकहरु सौरभ मानन्धर र सुमन सिवाकोटीको सहभागिता रहेको थियो । यो टेलीले हरेक बर्ष अस्ट्रेलियामा विभिन्न सहासिक कार्यक्रम गरेर सगरमाथा दिवस मनाउँदै आएको छ । अघिल्लो वर्ष अस्टे्रलियाको अग्लो शिखर माउण्ट कोजवस्कि आरोहण भएको थियो ।
0 comments
Write Down Your Responses