असार ३१

नेपाल सरकारले १५ वटा आयोजनाहरुलाई ‘राष्ट्रिय गौरबका आयोजना’अन्तरगत राखेको छ ।

आइतबार सार्वजनिक गरेको बजेट भाषणमा पहिल्यै घोषणा भएका आयोजनाहरुमा सरकारले दुर्इवटा आयोजाना थप गरेको छ ।

पशुपति क्षेत्र विकास कोष, लुम्बिनी क्षेत्र विकास, राष्ट्रपति चुरे संरक्षण, भेरी बबई डाइभर्सन आयोजना र ४ सय ५६ मेघावाटको माथिल्लो तामाकोशी जलविद्युत आयोजना सरकारबाट घोषणा गरिएका राष्ट्रिय गौरबका आयोजनाहरुमा हुन् ।

यस्तै काठमाडौं तराई(मधेस फास्ट ट्रयाक, मध्यपहाडी लोकमार्ग, तराई(मधेसको हुलाकी राजमार्ग, पूर्व(पश्चिम रेलमार्ग, गौतम बुद्ध विमानस्थल र पोखरा विमानस्थल पनि राष्ट्रिय गौरबका आयोजना अन्तरगत परेका छन् ।

यसैगरी निजगढ अन्तरराष्ट्रिय विमानस्थल, मेलम्ची खानेपानी आयोजना रानीजमरा  कुलरिया सिंचाइ आयोजना र सिक्टा सिंचाई आयोजना पनि राष्ट्रिय गौरवका आयोजना हुन् ।

तराईको हुलाकी लोकमार्गमा १ सय ५० वटा पुलहरु निर्माण गर्नुपर्नेमा हाल १७ वटामात्रै बनेका छन् । आगामी आर्थिक वर्षमा थप २० वटा पुल सहित ३७ वटा पुल बनाउने सरकारी कार्यक्रम छ ।

सरकारले यसवर्ष बर्दिबास सिमरा खण्डमा १ सय ८ किमी लामो रेलमार्ग बनाउने बताएको छ । सिमरा बुटवल खण्डको विस्तृत परियोजना प्रतिवेदन तयार पारिने भएको छ ।

त्यसैगरी काठमाडौं उपत्यकाका लागि मेलम्ची खानेपानी आयोजनाको सुरुङ र पानी प्रशोधनको नयाँ ठेक्का सम्झौता भइसकेको र थप कार्यका सरकारले लागि ५ अर्ब २४ करोड बजेट छुट्याएको छ ।